Աշոտ Հովհաննիսյան

Համահիմնադիր, Տնօրեն

Աշոտ Հովհաննիսյանը հանդիսանում է Alpha Processing-ի համահիմնադիրը, ինչպես նաև՝ կազմակերպության գործադիր ու տեխնիկական տնօրենը։ Ծրագրային լուծումներ ու համակարգեր ստեղծելու իր ավելի քան քսան տարվա փորձի շնորհիվ, Աշոտը հեղինակն է մի շարք բարդ ու ընդգրկուն համակարգերի, որոնք մինչ օրս հաջողությամբ գործում են հայաստանյան և միջազգային շուկաներում։ Աշոտը կիրառական մաթեմատիկայի և թվային մեթոդների փորձագետ է։ Ավարտել է Երևանի Պետական Համալսարանի Կիրառական մաթեմատիկայի ֆակուլտետը։ Ունի ծրագրավորման բազմաթիվ լեզուների բարձր հմտություն։

Սուրեն Ստեփանյան

Համահիմնադիր

Սուրենը Աշոտի հետ միասին հիմնել է Alpha Processing-ը՝ նպատակ ունենալով ստեղծել նորարարական համակարգեր ֆինանսատեխնիկական ոլորտի համար։ Նա իր կարևոր ներդրումն ունի ընկերության աճի, նոր գաղափարների մշակման ու նոր լուծումների իրագործման մեջ։ Սուրենն ավարտել է Երևանի Պետական համալսարանի կիրառական մաթեմատիկայի ֆակուլտետը։ Իր կարիերայի ավելի քան երեսուն տարիների ընթացքում, Սուրենը մասնագիտացել է ինչպես տեխնոլոգիական լուծումների ստեղծման, այնպես էլ ֆինանսատեխնիկական ու բիզնես ոլորտներում։ Վերջին տարիներին նա հիմնադրել է ֆինանսատեխնիկական ծառայություններ և լուծումներ մատակարարող մի շարք ընկերություններ։ Նա նաև գործադիր տնօրենն է Alpha Invest-ի, որը մատուցում է տարատեսակ ծառայություններ վճարահաշվարկային ոլորտի համար։

Արտյոմ Մամյան

Գլխավոր ճարտարագետ

Որպես Alpha Processing-ի սարքավորումների գլխավոր ճարտարապետ՝ Արտյոմն առաջին օրվանից մեր հիմնական թիմի մասն է կազմել ու մինչ օրս շարունակում է իր մեծ ներդրումն ունենալ դրամական գործարքների համար հարմարավետ սարքեր նախագծելու և արտադրելու գործում։ Արտյոմն ավարտել է Երևանի պետական համալսարանի Ռադիոֆիզիկայի և էլեկտրոնիկայի ֆակուլտետը։ Արտյոմը նաև զբաղվում է սարքերի ծրագրավորմամբ՝ ապահովելով դրանց արագ ու անվտանգ աշխատանքը։

Կարեն Տոնոյան

Ծրագրավորող

Կարենը փորձառու full-stack ծրագրավորող է, ով ունի ավելի քան 15 տարվա փորձ տարբեր վեբ հավելվածների նախագծման, մշակման, փորձարկման և ադմինիստարտիվ աջակցություն ցուցաբերելու գործում։ Նա վարպետորեն լուծում է տեխնիկական ամենաբարդ խնդիրները։ Կարենն ավարտել է Հայաստանի պոլիտեխնիկական համալսարանը։ Նա գերազանց տիրապետում է ծրագրավորման բազմաթիվ լեզուների, գործիքակազմերի ու աշխատանքային շրջանակների։

Բեթի Փանոսյան

Բիզնեսի զարգացման խորհրդատու

Ռեսուրսների ստեղծման ու բիզնեսի զարգացման ոլորտում Բեթին ունի ավելի քան քսան տարվա փորձ, որի շրջանակներում՝ նաև մի շարք առաջատար տեխնոլոգիական ընկերությունների ու հասարակական կազմակերպությունների համար։ Որպես բիզնես հաղորդակցության փորձագետ, Բեթին ավարտել է Երևանի պետական համալսարանի Ժուռնալիստիկայի ֆակուլտետն ու մասնագիտացած է բիզնեսի զարգացման ամբողջական ռազմավարությունների նախագծման և հաջող իրականացման մեջ՝ կենտրոնանալով այնպիսի հնարավորությունների բացահայտման ու կապիտալիզացման վրա, որոնք լավագույնս ծառայում են ընկերության աճի կոնկրետ հանգրվանին։

Արսեն Աբաջյան

Ծրագրավորող

Առաջադեմ տեխնոլոգիաների կիրառմամբ լայնամասշտաբ վեբ հավելվածներ, գործիքներ և տարրատեսակ այլ լուծումներ ստեղծելու գործում Արսենն ունի ութ տարվա փորձ և հանդիսանում է որպես բարձրակարգ ծրագրավորող։ Նա ավարտել է Հայաստանի ազգային պոլիտեխնիկական համալսարանն ու տիրապետում է ծրագրավորման բոլոր հիմնական լեզուներին, գործիքակազմերին և աշխատանքային հիմունքներին։ Alpha Processing-ի թիմում Արսենը ստեղծում ու սպասարկում է մեր արտադրանքի ադմիտիստրատիվ հարթակները, որոնց միջոցով մենք հնարավորություն ենք ունենում մատակարարելու մեր հաճախորդներին պարզ, արագ ու ապահով վճարահաշվարկային ու տարադրամի փոխանակման գործարքների առաջադեմ լուծումներ։

Աննա Մկրտչյան

UI/UX դիզայներ

Alpha Processing-ի UI/UX դիզայներ Աննայի աշխատանքի շնորհիվ է, որ մեր բոլոր արտադրանքները հաճախորդներին և օգտագործողներին ներկայանում են գրավիչ տեսքով և օգտագործողի ինտուիտիվ ինտերֆեյսով։ Որպես մասնագետ գրաֆիկական և UI/UX դիզայներ՝ Աննան ունի ավելի քան վեց տարվա աշխատանքային փորձ և դիզայնի տարբեր գործիքների տիրապետման հմտություն։ Նա ավարտել է Հայաստանի Գեղարվեստի ակադեմիան, ինչպես նաև մասնակցել է մասնագիտական մի շարք հեղինակավոր դասընթացների։